Isticmaalka Xamuuradda oo la ogaaday in laga qaado Cudurrada Kansarka iyo kuwa dhaca Xubinta Tartanka

London 23 May, 2015 (Himilo)- Dr. Thu Quach ayaa shaaca ka qaaday in dadka isticmaala xamuuradaha la mariyo cidiyaha halis u yihiin inay ku dhacdo cudurka kansarka, isla markaana ku keento madhalaysnimo.
Dr. Quach oo wax ka dhigta machadka ka-hortaga cudurka Kansarka ee jaamacada Stanford ayaa sheegtay in xamuuradaha cidiyahu ku jiraan kiimiko halis ah oo keena cudurka kansarka.
Cilmibaadhis khubaro kala duwan ka diyaariyeen halista isticmaalka xamuuradaha ayaa sheegay in maadooyinka toluene, formaldehyde iyo dibutyl phthalate oo lagu naanayso ‘saddexda dilaa’ oo laga sameeyo xamuuradahu leeyahiin halis caafimaad.
Hawlwadeenada xarumaha ka shaqeeya xamuuradaha ayaa sidoo kale la sheegay inay halis ugu jiraan qaaditaanka cudurada sare maadama goobahaasi hawadu ku yar tahay.
Baadhitaanada khubarada cilmibaadhistan sameeyey ayaa sheegay inay ku ogaadeen in hawlwadeeno ka shaqeeya xarumaha lagu mariyo xamuuradaha cidiyaha lagu arkay halis caafimaad ka mid tahay cuncun, indho xanuun, xusuus daro, neefsashada oo ku adkaata iyo kansar.
Baadhitanaada ayaa lagu ogaaday in hawlwadeenada lagu arkay halis dhinaca dhalmada, caruur oo sidii caadiga aan u dhalan iyo caafimaad daro xilliga ay haweenaydu Xaamilada tahay.
Himilomedia.com
Hargeysa-somaliland