Danjirihii Midowga Afrika U Qaabilsanaa Somalia Oo Xilkii iska Casilay

Muqdisho:June,19,2014(Himilo)-Wakiilkii Midawga Afrika ku qaabilsanaa Somalia, Ambassador-Mahamat-Saleh-Annadif, ayaa si rasmi ah u shaaciyey inuu iska casilay Xilkii uu Hayey.

Mahmed Saleh Nadif ayaa sanadkii 2012 loo magacaabey madaxa u sareeya ee hawlgalka Midowga Africa ee Soomaaliya AMISOM, waxaana uu dhalasho ahaan ka soo jeeda dalka Chad.

 

Ergayga Midogwa Afrika ee Soomaaliya Amb. Annadif ayaa si rasmi ah xilka u wareejinaya 02 July 2014 sida lagu sheegay war saxaafadeed ka soo baxay xafiiskiisa kadib is casilaaddiisa.

 

Ambassador Annadif ma caddeyn sababta uu uga tegaayo xilka waxaase wararku sheegayaan in todobaadkii hore uu u gudbiyey Midowga Afrika is-casilaadiisa, taas oo laga aqbaley, waxaana warar aan la xaqiijin sheegayaan in ay salka ku hayso muran u dhexeeya isaga iyo dalalka Itoobiya iyo Kenya oo Xagga dambe kaga soo biiray  Hawlgalka Midowga Afirka ee AMISOM.

 

Himilo Media