Madaxweynaha somaliland oo magacaabay la taliyaha madaxweynaha ee arrimaha hay’addaha caalamiga ah iyo kuwa maxaliga ahba

Hargeysa (Himilo) Madaxweynaha somaliland ayaa maanta u magacaabay Cabdifataax Siciid Axmed Guuleed inuu noqdo la taliyaha madaxweynaha ee arrimaha hay’addaha caalamiga ah iyo kuwa maxaliga ahba, warsaxaafadeed ka soo baxay xafiiska madaxweynaha ayaa waxa uu u dhignaa sidatan:-

“Madaxweynaha Jamhuuriyadda Somaliland Mudane Axmed Maxamed Silaanyo, waxa uu Digreeto Madaxweyne oo sumadeedu tahay, JSL/M/XERM/249-2414/042014 ku magacaabay La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah.

 Madaxweynuhu:-

 

Markuu Arkay:                 Qodobka 90aad, Faqradiisa 3aad ee Dastuurka Jamhuuriyadda Somaliland;

 

Markuu Tixgeliyey:         Ahmiyadda La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah;

 

Markuu Arkay:                 In baahi loo qabo magacaabidda jagadan;

 

Markuu Ka Fiirsaday:     Kartidiisa, aqoontiisa iyo hufnaantiisa shaqo;

 

Markuu Ku-qancay:        In uu hanan karo xilkan loo magacaabay;

 

Wuxuu go’aansaday

 

In Mudane, Cabdifataax Siciid Axmed Guuleed, laga bilaabo taariikhda maanta uu ahaado La-Taliyaha Madaxweynaha ee Arrimaha Hay’adaha Caalamiga iyo Kuwa Maxaliga ah.

 ALLAA MAHAD LEH

 

Himilomedia.com

Hargeysa-Somaliland